محمد حسين علي طالب يتغلب على اصابته ويواصل تعليمه

أنا اسمي محمد حسين علي مدينو عمري 13 سنة، طالب في مدرسة الهوتة بريف ادلب.
كانت حياتي طبيعية مثل أي شخص بروح على المدرسة وبلعب مع أصدقائي كل يوم.
حياتي كلها تغيرت لما تعرضت لحادث سير بسببه فقدت قدمي اليسرى.
تعرضت لضغوطات نفسية كتير وصار عندي فراغ كبير بحياتي.
أصدقائي صاروا ينتقدوني في بعض الأحيان وصرت اكره المدرسة، لهيك اضطريت انقطع عن المدرسة.
ضغط أساتذتي علي وإصرارهم خلاني ارجع للمدرسة، وهاد الشيء شجعني أكثر، ولما رجعت للمدرسة بلشت أتأقلم من جديد مع وضعي وصرت ادرس وألعب مع أصدقائي، اليوم كل اللي بتمناه ترجع قدمي يلي فقدتها حتى العب كرة القدم لأنها لعبتي المفضلة.
بشكر كل من ساندني ووقف معي وبشكر معلمي مؤسسة قبس لدعمهم لي
وأنا أكيد بحب مدرستي ورفقاتي كثير.
#سوريا #بنيان

Leave Comment

لن يتم نشر عنوان بريدك الإلكتروني. الحقول الإلزامية مشار إليها بـ *